བཀའ་བརྒྱུད་སྨོན་ལམ་ཐེངས་སོ་དྲུག་པའི་དམིགས་བསལ་ཁྱད་ཆོས། དུས་ཚོད། ཕྱི་ལོ་ ༢༠༡༩ ཟླ་བ་དང་པོའི་ཚེས་ ༢༢ ཉིན། ས་གནས། རྡོར་གདན་བཀའ་བརྒྱུད་སྨོན་ལམ་ཆོས་ར།
བཀའ་བརྒྱུད་སྨོན་ལམ་ཐེངས་སོ་དྲུག་པའི་མཐའ་མར་དགེ་བའི་མཇུག་ལེགས་པར་གྲུབ་རྟིང་། ཚོགས་ཞུགས་སེར་སྐྱ་ཕོ་མོ་ཕལ་ཆེ་བ་རང་རང་སོ་སོའི་དགོན་སྡེ་ཁག་དང་ཁྱིམ་ལ་ཕྱིར་ལོག་པར་བྲེལ། འོན་ཀྱང་བཙུན་མ་རྣམས་འཕགས་མ་བདེ་ཆོས་མའི་དགུན་ཆོས་འཚོག་བཞིན་ཡོད་སྟབས་ད་ལྟ་མུ་མཐུད་གནས་ཡོད། འདི་ལོ་བཀའ་བརྒྱུད་སྨོན་ལམ་བདུན་གཉིས་རིང་དོ་སྣང་བགྱིད་འོས་པའི་གནད་དོན་འགའ་ནི་གཤམ་གསལ་བརྙན་པར་སྡེ་ཚན་རྣམས་ཡིན།

 

༡༽ འདི་ལོ་ཁྱད་ཆོས་གནད་ཆེ་བ་ཞིག་ལ་བཀའ་བརྒྱུད་སྨོན་ལམ་ཐེངས་སོ་དྲུག་པར་ཧི་མཱ་ལ་ཡའི་ས་ཁུལ་ནས་དད་ལྡན་ཕོ་མོ་སྟོང་ཚོ་གསུམ་ ལྷག་ཙམ་ཚོགས་ཞུགས་བྱས་ཡོད།

 

༢༽ དགོན་སྡེ་ཁག་ནས་རབ་བྱུང་དང་།

 

༣༽  བཙུན་མ་བཞི་སྟོང་ལྷག་ཚོགས་ཕེབས་མཛད་ཡོད།

 

༤༽ དེ་སྟེང་བཀུར་འོས་རིན་པོ་ཆེ་དང་སྤྲུལ་སྐུ་རྣམ་པ་ཡང་ཆེད་གཉེར་གྱིས་ཚོགས་ཕེབས་མཛད་ཡོད།

 

༥༽ ཤར་ནུབ་ཡུལ་གྲུ་ཁག་ནས་ཚོགས་ཞུགས་པ་ཆིག་སྟོང་སུམ་བརྒྱ་ཙམ་འདུས་ཡོད།

 

༦༽ དེ་བཞིན་སྙེ་ཤང་ཚོགས་ཞུགས་པ་རྣམས་ནས་ཞབས་ཏོག་གལ་ཆེ་སྒྲུབ་ཡོད་དེ། དེ་ཡང་འདི་ལོའི་བཀའ་བརྒྱུད་སྨོན་ལམ་གྱི་སྦྱིན་བདག་མཛད་ཡོད་པ་མ་ཟད་དྷརྨ་པ་ལ་དང་། གསོལ་ཇ་འདྲེན་འབུལ། ཟས་སྣོད་འཁྲུ་བཤལ་ལ་སོགས་པའི་དྭང་བླང་སྲི་ཞུའི་ཆ་ཤས་ཀྱང་ཅི་ལྕོགས་སྒྲུབ་ཡོད།

 

༧༽ སྙེ་ཤང་བུད་མེད་རྣམས་ནས་གསོལ་ཇ་འདྲེན་འབུལ་གྱི་སྲི་ཞུ་སྒྲུབ་བཞིན་པ།

 

༨༽ དེ་བཞིན་གསོལ་ཐབ་ནང་ཚལ་བཏུབ་པའི་ལས་ལ་དྭང་བ་ཆེན་པོས་བརྩོན་བཞིན་པ།

 

༩༽ ཧ་ཡང་དང་སྡེར་མ་འཁྲུ་བཤལ་གྱི་ཞབས་ཞུ་སྒྲུབ་བཞིན་པ།

 

༡༠༽ སྐྱེས་པ་རྣམས་ནས་དྷརྨ་པཱ་ལའམ་ཆོས་སྐྱོང་གི་སྲི་ཞུ་སྒྲུབ་བཞིན་པ།

 

༡༡༽ འདི་ལོར་བྱོན་ལེགས་ཀྱི་རྒྱལ་སྒོ་སྔར་སྲོལ་བོད་ཀྱི་བཟོ་བཀོད་ལྟར་གོ་སྒྲིག་ཞུས་ཡོད་པས། གོ་སྒྲིག་ཞུ་བ་པོ་གོམས་རྩལ་ཆེ་བ་རྣམས་ལ་སྟབས་བདེ་བའི་ཚུལ་དུ་སྣང།

 

༡༢༽ འདི་ལོ་ཆོས་རའི་སྤྲོས་པ་སྔར་རྒྱུན་ལྟར་མ་མཆིས་ཀྱང་། མཛེས་སྡུག་ལྡན་ཞིང་ཁ་དོག་སྣ་ཚོགས་པའི་མེ་ཏོག་གིས་ལེགས་པར་བརྒྱན་ཅིང་། ཆེས་གུ་ཡངས་ཀྱི་དཔལ་དང་ལྡན་ཁར།

 

༡༣༽ ནན་ཏན་ཆེན་པོས་ཆ་སྙོམས་ལེགས་པར་བཀོད་སྒྲིག་བགྱིས་འདུག །

 

༡༤༽ སྔར་མཆོད་གཏོར་རྣམས་ཆོས་རའི་བང་རིམ་རྩེ་མོར་སྒྲིག་སྲོལ་ཡོད་ཀྱང་། འདི་ལོ་༸རྒྱལ་དབང་མཆོག་གི་བཀའ་ཕེབས་དགོངས་དོན་བཞིན་མཐོ་ཚད་སྐུམ་ཁྲུ་བདུན་ཙམ་མཆིས་པའི་ཐུབ་པ་རིགས་དྲུག་གི་སྐུ་བརྙན་ལྡན་པའི་མཆོད་གཏོར་རྣམས་དད ལྡན་ཚོགས་ཞུགས་པ་ཀུན་གྱིས་མཇལ་བདེ་བའི་ཕྱིར་ཆོས་རའི་གམ་དུ་བསྒྲིགས་ཡོད། 

 

༡༥༽ རྒྱུན་དུ་གཏོར་མ་ཆེ་ཁག་བརྒྱད་ཀྱི་གྲངས་ལྡན་དུ་བཞེངས་སྲོལ་ཡོད་ཀྱང་། འདི་ལོ་ཐུབ་པ་རིགས་དྲུག་གི་སྐུ་བརྙན་བཞེངས་དགོས་སྟབས་གཏོར་མ་ཆེ་ཁག་དྲུག་ལས་མེད།

 

༡༦༽ བཙུན་མའི་དབུ་མཛད་རྣམས་ནས་ཀྱང་བཙུན་པའི་དབུ་མཛད་རྣམས་དང་གཅིག་མཚུངས་སུ་འདོན་པ་སྐུལ་བཞིན་པ།

 

༡༧༽ ༸སྐྱབས་རྗེ་ཨ་འཛིན་རིན་པོ་ཆེ་མཆོག་གིས་རྒྱལ་བ་མི་འཁྲུགས་པའི་ཆོ་གའི་སྒོ་ནས་བྱང་སྲེག་མཛད་བཞིན་པ།

 

༡༨༽ མི་འཁྲུགས་པའི་བྱང་སྲེག་གི་དུས་ཡུན་ཡང་འཕོ་འགྱུར་གྱིས་སྲོད་ཀྱི་ཚབ་ཏུ་གུང་ཡོལ་རྗེས་དབུ་འཛུགས་མཛད་བཞིན་པ།

 

མར་མེའི་སྨོན་ལམ། དུས་ཚོད། ཕྱི་ལོ་ ༢༠༡༩ ཟླ་བ་དང་པོའི་ཚེས་ ༢༡ ཉིན། ས་གནས། བཀའ་བརྒྱུད་སྨོན་ལམ་ཆོས་ར།
འདི་ལོ་བཀའ་བརྒྱུད་སྨོན་ལམ་ཐེངས་སུམ་ཅུ་རྩ་དྲུག་པའི་མཐའ་མར་དགེ་བ་མར་མེའི་སྨོན་ལམ་དེ་ཉིད་བཀྲ་ཤིས་པ་དང་དགའ་བདེ་ཕུན་སུམ་ ཚོགས་པའི་སྒོ་ནས་མཇུག་ལེགས་པར་གྲུབ་ཅིང་། དེ་བཞིན་དཔལ་༸རྒྱལ་དབང་ཀརྨ་པ་མཆོག་ནས་དམིགས་བསལ་ཁྱད་ཆོས་ལྡན་པའི་ ལམ་སྟོན་བཀའ་སློབ་ཤིན་ཏུ་འགངས་ཆེ་བ་སྩལ་བ་དང་ཆབས་ཅིག །ཚོགས་ཞུགས་པ་ཡོངས་ཀྱི་སྤྱན་ལམ་དུ་མཆོད་སྤྲིན་གྱི་གཟིགས་འབུལ་ སྣ་ཚོགས་པ་དང་། མཐར་ནམ་མཁའི་སྐར་ཚོགས་ས་ལ་འཕོས་པ་ལྟ་བུའི་མར་མེའི་མཆོད་སྤྲིན་ཡིད་དུ་འོང་བའི་སྒོ་ནས་བཀའ་བརྒྱུད་སྨོན་ལམ་ ཐེངས་སོ་དྲུག་པའི་མཛད་སྒོ་དེ་བཞིན་རྒྱལ་ཁའི་ངང་ནས་རེ་ཞིག་མཇུག་ལེགས་པར་གྲོལ།.

 

༡༽ མགོ་ཟླའི་རྫོགས་པ་གསུམ་པ་ཟླ་བ་ཉ་གང་བའི་སྲོད་དུ་ཆོས་རར་ཚོགས་ཞུགས་པ་ཡོངས་ཀྱི་དམིགས་པ་རིན་ཆེན་དང་པོའི་མདངས་འཕྲོ་ བའི་སྟོན་པའི་སྣང་བརྙན་མཐོང་གྲོལ་རིན་པོ་ཆེའི་སྐུ་མདུན་དུ་གཏོད་ཅིང་། སྔོན་དཔགས་བཞིན་བརྙན་འཕྲིན་བརྒྱུད་དཔལ་༸རྒྱལ་དབང་ ཀརྨ་པ་མཆོག་གི་གསུང་བཤད་ནང་དམིགས་བསལ་ལམ་སྟོན་བཀའ་སློབ་ཅི་ཕེབས་ལ་ངང་སྒུག་ཞུ་བཞིན་པ།

 

༢༽ དཔལ་༸རྒྱལ་དབང་ཀརྨ་པ་མཆོག་གི་དམིགས་བསལ་གསུང་བཤད་དུ་ཐོག་མར་༸སྐྱབས་རྗེ་གོ་ཤྲཱི་རྒྱལ་ཚབ་རིན་པོ་ཆེ་མཆོག་དང་། ༸སྐྱབས་རྗེ་མི་འགྱུར་རིན་པོ་ཆེ་རྣམ་གཉིས་ལ་བཀའ་དྲིན་རྗེས་དྲན་གྱི་འཚམས་འདྲི་མཛད་ཅིང་། དེ་བཞིན་མཆོག་གི་སྤྲུལ་སྐུ་རྣམ་པ་དང་། མཁན་སློབ་རྣམ་པ། དེ་མཚུངས་དགོན་སྡེ་ཁག་ནས་ཕེབས་པའི་དགེ་འདུན་བཙུན་པ་དང་བཙུན་མ་རྣམ་པ། གཞན་ཡང་ཤར་ནུབ་ཡུལ་གྲུ་ ཁག་ནས་ཕེབས་པའི་དད་ལྡན་ཕོ་མོ་རྣམ་པ་བཅས་ཡོངས་ལ་འཚམས་འདྲི་མཛད།

 

༣༽ སྨོན་ལམ་ཆོས་རའི་མདུན་དུ་ཞབས་སྟེགས་གོ་སྒྲིག་ཞུས་པའི་སྟེང་བཞུགས་པའི་༸སྐྱབས་རྗེ་རྒྱལ་ཚབ་རིན་པོ་ཆེ་དང་། སྐྱབས་རྗེ་མི་ འགྱུར་རིན་པོ་ཆེ་། དེ་བཞིན་མཁན་པོ་བློ་གྲོས་དོན་ཡོད་རིན་པོ་ཆེ་རྣམ་གསུམ་ནས་དཔལ་༸རྒྱལ་དབང་ཀརྨ་པ་ཆེན་པོ་མཆོག་གི་བཀའ་ སློབ་ལ་དང་བ་ཆེན་པོས་གསན་བཞེས་མཛད་བཞིན་པ།

 

༤༽ དེ་བཞིན་བཙུན་མ་རྣམས་ནས་དཔལ་༸རྒྱལ་དབང་ཀརྨ་པའི་བཀའ་སློབ་རིན་པོ་ཆེར་དད་གུས་ཆེན་པོས་གསན་བཞིན་པ།

 

༥༽ དེ་བཞིན་དུ་ཆོས་རའི་སྟེང་བཞུགས་དགེ་སློང་རྣམས་ནས་ཀྱང་དད་གུས་ཆེན་པོས་མགོན་པོ་མཆོག་གི་བཀའ་སློབ་གསན་བཞིན་པ།

 

༦༽ དད་ལྡན་སྐྱ་བོ་ཕོ་མོ་རྣམས་ནས་ཀྱང་དད་གུས་བླ་མེད་ཀྱི་སྒོ་ནས་རྒྱལ་བའི་བཀའ་སློབ་ལ་ཉན་བཞིན་པ།

 

༧༽ རུམ་བཏེག་བཤད་གྲྭའི་མཁན་པོ་ཚུལ་ཁྲིམས་ལགས་ནས་དང་བ་ཆེན་པོས་༸རྒྱལ་དབང་མཆོག་གི་བཀའ་སློབ་ལ་ལེགས་པར་ གསན་བཞིན་པ།

 

༨༽ མར་མེའི་སྨོན་ལམ་གྱི་མཛད་རིམ་རྣམས་རེ་རེ་བཞིན་དྲིལ་བསྒྲགས་པས་བོད་རྒྱ་དབྱིན་གསུམ་གྱི་སྐད་ཡིག་ཐོག་གསལ་བཤད་མཛད་ བཞིན་པ།

 

༩༽ འབྲུག་ཡུལ་ནས་ཡིན་པའི་སྒྲུབ་སྡེ་དཔལ་མོ་ཆོས་ཀྱི་ལྡིང་ཁང་གི་བཙུན་མ་རྣམས་ནས་དཀོན་མཆོག་གསུམ་གྱི་བསྟོད་དབྱངས་ཞེས་ པ་དབྱངས་རྟ་སྙན་པོའི་སྒོ་ནས་ཚོགས་ཞུགས་པ་ཀུན་ལ་གཟིགས་འབུལ་བསྟར་བཞིན་པ།

 

༡༠༽ བཀའ་བརྒྱུད་སྨོན་ལམ་གྱི་བཙུན་པ་དང་བཙུན་མའི་དབུ་མཛད་ཁྲི་པ་བརྒྱད་ནས་སྤྱན་རས་གཟིགས་འགྲོ་དོན་མཁའ་ཁྱབ་མ་དེ་བཞིན་ གསུང་དབྱངས་སྙན་པའི་རྟ་ལ་དྲངས་ཏེ་འདུས་པ་ཡོངས་ལ་གཟིགས་འབུལ་སྙན་སྒྲོན་ཞུ་བཞིན་པ།

 

༡༡༽ སྒྲུབ་སྡེ་ཆོས་ཀྱི་དཔལ་མོའི་ལྡིང་ཁང་གི་བཙུན་མ་རྣམས་དང་ཁྲ་འགུ་བཛྲ་བི་དྱཱའི་གཙུག་ལག་སློབ་གཉེར་ཁང་གི་དགེ་འདུན་ཐུན་མོང་ ནས་དཔལ་༸རྒྱལ་དབང་ཀརྨ་པ་མཆོག་ནས་མཛད་པའི་རབ་དགའི་སྨོན་ལམ་གྱི་སྨོན་ཚིག་དེ་བཞིན་སྙན་འཇེབས་ལྡན་པའི་དབྱངས་ཀྱི་སྒོ་ནས་ འདུས་པ་ཡོངས་ལ་གཟིགས་འབུལ་ཞུ་བཞིན་པ།

 

༡༢༽ སྙེ་ཤང་བའི་དད་སྦྱིན་ཉ་མ་རྣམས་ནས་རྣལ་འབྱོར་གྱི་དབང་ཕྱུག་མི་ལ་རས་པའི་མགུར་གྱི་ཆ་ཤས་ཤིག་མགྲིན་དབྱངས་སྙན་པོས་གཟིགས་ འབུལ་ཞུ་བཞིན་པ།

 

༡༣༽ ༸རྒྱལ་དབང་མཆོག་སྐུ་དངོས་སུ་སྨོན་ལམ་དུ་རྐྱེན་དབང་གིས་ཞབས་མ་བཅགས་ཀྱང་བརྙན་འཕྲིན་བརྒྱུད་མར་མེའི་སྨོན་ལམ་གྱི་དབུ་སྐུལ་ མཛད་བཞིན་པ།

 

༡༤༽ ༸སྐྱབས་རྗེ་རྒྱལ་ཚབ་རིན་པོ་ཆེ་ནས་མར་མེའི་མཆོད་སྤྲིན་འདེགས་འབུལ་ཞུ་བཞིན་པ།

 

༡༥༽ དེ་བཞིན་༸སྐྱབས་རྗེ་མི་འགྱུར་རིན་པོ་ཆེ་མཆོག་ནས་མར་མེའི་མཆོད་སྤྲིན་འདེགས་འབུལ་ཞུ་བཞིན་པ།

 

༡༦༽ རབ་ཏུ་དང་བའི་དགེ་འདུན་ཡོངས་ནས་དང་བ་ཆེན་པོས་མར་མེའི་སྨོན་ལམ་གསུང་བཞིན་པ།

 

༡༧༽ དེ་བཞིན་དུ་སྨོན་ལམ་ཆོས་རའི་འདུས་པ་ཡོངས་ནས་མར་མེའི་སྨོན་ལམ་གསུང་བཞིན་པ།

 

༡༨༽ བཙུན་མ་ཞིག་ནས་མར་མེའི་མཆོད་སྤྲིན་འདེགས་འབུལ་བགྱིད་བཞིན་པ།

 

༡༩༽ དེ་བཞིན་དུ་མར་མེའི་མཆོད་སྤྲིན་རྒྱ་མཚོའི་འདེགས་འབུལ་དང་འབྲེལ་འདུས་པ་ཀུན་ནས་མགྲིན་དབྱངས་གཅིག་གྱུར་གྱིས་མར་མེའི་ སྨོན་ལམ་གསུང་བཞིན་པ།

 

༢༠༽ ཚོགས་ཞུགས་འདུས་པ་ཡོངས་ནས་མར་མེའི་མཆོད་སྤྲིན་འདི་ཉིད་ཀྱིས་མ་རིག་མུན་པ་སེལ་བའི་སྨོན་འདུན་བགྱིད་བཞིན་པ།

 

བསྒྲུབ་བྱ། དམིགས་བསལ་མགོན་གསོལ་ཞབས་རིམ་འཕར་མ། ས་གནས། རྡོར་གདན་བཀའ་བརྒྱུད་སྨོན་ལམ་ཆོས་ར། དུས་ཚོད། ཕྱི་ལོ་ ༢༠༡༩ ཟླ་བ་དང་པོའི་ཚེས་ ༢༡ ཉིན།

རྒྱུན་སྲོལ་ལྟར་ན་སྔ་དྲོ་ཆུ་ཚོད་དྲུག་པ་ནས་དགོང་དྲོ་ཆུ་ཚོད་ལྔ་པ་བར་སྨོན་ལམ་ཉིན་བདུན་རིང་བསྟུད་མར་ཚོགས་མཇུག་མར་མེའི་སྨོན་ལམ་གྱི་ ཉིན་གང་པོར་གུང་སེང་འཇོག་སྲོལ་ཡོད་ཀྱང་། འདི་ལོ་དཔལ་༸རྒྱལ་དབང་ཀརྨ་པ་མཆོག་གི་སྐུའི་གསང་བ་གསུམ་གྱི་སྐུ་གེགས་ཀྱི་མཚན་མ་ མཐའ་དག་ཞི་ཞིང་། བསྟན་འགྲོའི་དཔལ་མགོན་དམ་པར་སྐུ་ཚེ་ཞབས་པད་ཡུན་དུ་བརྟན་ཕྱིར་དང་། ཁྱད་པར་དུ་མགོན་པོ་གང་ཉིད་རྒྱ་གར་འཕགས་ པའི་ཡུལ་དུ་མགྱོགས་ནས་མྱུར་དུ་ཞབས་སོར་འཁོད་ཐུབ་པའི་སླད་མགོན་གསོལ་གྱི་ཞབས་རིམ་བསྒྲུབ་རྒྱུར་རང་རེ་ཀཾ་ཚང་དགོན་སྡེ་ཡོངས་ཀྱི་ དགེ་འདུན་མ་ལུས་པས་མཚུར་ཕུ་བླ་བྲང་དང་། བཀའ་བརྒྱུད་སྨོན་ལམ་ཚོགས་པ་ཐུན་མོང་ནས་འབོད་སྐུལ་གོ་སྒྲིག་བགྱིད་དོན་ལྟར་མགོན་གསོལ་ ཚོགས། མར་མེའི་སྨོན་ལམ་གྲུབ་རྟིང་དགེ་འདུན་ཕལ་ཆེ་བ་རང་རང་གི་གནས་སུ་ཕྱིར་ཕེབས་ངེས་ན། རེས་གཟའ་ཟླ་བའི་ཚེས་ ༢༡ བར་སྟོང་གི་ཉིན་མོ་དེ་ ལས་གཞན་དུ་གདམ་ཀ་མ་མཆིས་པས། དེ་ཉིན་མགོན་གསོལ་འཚོག་རྒྱུ་གཏན་འབེབས་བགྱིད་དོན་ལྟར་དགེ་འདུན་པ་ཡོངས་ནས་དོ་ཁུར་ཆེན་ པོས་ཚོགས་སུ་ལེགས་པར་འཛོམས།

ཚོགས་ཞུགས་ཁྱིམ་པ་ཕོ་མོ་མགོན་གསོལ་འདོན་མི་ཐུབ་པ་རྣམས་ནས་བཀྲ་ཤིས་བརྒྱད་པའི་ཚིགས་སུ་བཅད་པ་དང་། དེ་བཞིན་གུ་རུའི་ཚིག་ བདུན་གསོལ་འདེབས།
དཔལ་༸རྒྱལ་དབང་ཀརྨ་པ་སྐུ་འཕྲེང་བཅུ་བདུན་པ་ཆེན་པོ་ཨོ་རྒྱན་ཕྲིན་ལས་རྡོ་རྗེ་མཆོག་གི་ཞབས་བརྟན་གསོལ་འདེབས་ བཅས་ཞབས་རིམ་ཁག་གསུམ་པོ་ཅི་ནུས་གསོག་སྒྲུབ་དགོས་པའི་སྐུལ་མ་བགྱིད་དོན་ལྟར་ཁྱིམ་པ་རྣམས་ནས་ཀྱང་དང་བ་ཆེན་པོས་རང་འཁོས་ བཞིན་ཅི་ནུས་བསྒྲུབས། བསྟན་འཛིན་རྣམ་རྒྱལ་གྱིས་དབྱིན་ཡིག་ལས་ཐད་སྒྱུར་ཞུས།

.

 

 

 

 

 

 

 

 

 

 

 

 

 

ས་གནས། རྡོར་གདན་གཏེར་སྒར་དགོན་དང་། བཀའ་བརྒྱུད་སྨོན་ལམ་ཆོས་ར།
དུས་ཚོད། ཕྱི་ལོ་ ༢༠༡༩ ཟླ་བ་དང་པོའི་ཚེས་ ༢༠ ཉིན།

རས་ཆོད་བཤར་བའི་ལམ་སྲོལ་འདི་ཉིད་བཀའ་བརྒྱུད་པའི་རབ་བྱུང་གང་ཞིག་སྒྲུབ་ཁང་ནང་ལོ་གསུམ་ཕྱོགས་གསུམ་གྱི་མཚམས་བསྡམས་ཟིན་ པ་ཁོ་ནའི་ཕྱིར་ཡིན། རས་འབུད་འདི་ཉིད་ནི་ནཱ་རོ་ཆོས་དྲུག་གི་ནང་གསེས་གཏུམ་མོའི་ཉམས་ལེན་མཚོན་བྱེད་ཅིག་དང་། འདི་ཉིད་བཀའ་བརྒྱུད་ སྨོན་ལམ་གྱི་ཉིན་བདུན་པའམ་ཉིན་མཐའ་མའི་ཉིན་མཛད་ཅིང་། འདི་ཉིད་སྨོན་ལམ་གྱི་ཆ་ཤས་སུ་ཟླ་སྒྲིལ་མཛད་པོ་དཔལ་༸རྒྱལ་དབང་ཀརྨ་པ་ མཆོག་ནས་ཕྱི་ལོ་ ༢༠༡༧ ཟླ་བ་གཉིས་པའི་ནང་བཀའ་བརྒྱུད་སྨོན་ལམ་ཐེངས་སོ་བཞི་པའི་སྐབས་དབུ་འཛུགས་བསྐྱངས། དེ་ཡང་སྔར་༸རྒྱལ་ མཆོག་བདུན་པ་རྗེ་ཆོས་གྲགས་རྒྱ་མཚོའི་སྐབས་ནས་སྲོལ་གཏོད་མཛད་པ་ཞིག་ཡིན།
ནཱ་རོ་ཆོས་དྲུག་འབྲེལ་བའི་རས་འབུད་བཤར་སྐབས་ན་བཟའ་དཀར་པོ་མནབ་པའི་ལམ་སྲོལ་ཡོད། གཏུམ་མོའི་ཉམས་ལེན་ནི་གྲང་ངར་ལ་མི་ བསྙེངས་པའི་ཉམས་ལེན་མཚོན་པའི་ཕྱིར་དང་། གཏུམ་མོའི་ཉམས་ལེན་པ་ཚོས་རས་གོས་གྱོན་པའི་སྲོལ་ཡོད་ཅིང་། བོད་དུ་རྗེ་མི་ལ་ནས་དར་ ཏེ་དེ་མཇུག་རས་པའི་རྒྱུན་རླབས་ཆེར་འཕེལ། རས་དཀར་གྱོན་པ་པོ་རྣམས་ལ་རས་པ་ཞེེས་བརྗོད་ཅིང་། རས་དཀར་མནབ་པ་བཀའ་བརྒྱུད་ པ་ལ་ཤས་ཆེ་ཡང་རྗེ་སྒམ་པོ་པ་རབ་བྱུང་ཡིན་པས་རྒྱུན་དུ་ངུར་སྨྲིག་གི་གོས་ཀླུབས་པ་ལས་རས་དཀར་མི་བཞེས། འོན་ཏང་གཏུམ་མོའི་ཉམས་ ལེན་གྱི་དུས་སུ་སྐབས་རེ་རས་གོས་དཀར་པོའང་མནབ་སྲོལ་ཡོད། 

དེར་བརྟེན་ལོ་ལྟར་ཆོ་འཕྲུལ་ཟླ་བ་སྟེ་མཆུ་ཟླའི་ཚེས་བཅུ་བཞི་དང་བཅོ་ལྔ་གཉིས་ལ་གོས་དཀར་པོ་མནབ་སྟེ་གཤེགས་སྲོལ་ཡོད། དེ་ནི་ཚེས་ བཅུ་བཞིར་སྒྲ་བསྒྱུར་གྱི་རྒྱལ་པོ་རྗེ་མར་པ་དང་ཚེས་བཅོ་ལྔར་གངས་ཅན་གྲུབ་པའི་རྒྱན་གཅིག་རྣལ་འབྱོར་གྱི་དབང་ཕྱུག་ཆེན་པོ་རྗེ་བཙུན་མི་ ལ་རས་པའི་འདས་མཆོད་མཚོན་པའི་སླད་དུ་ཡིན། སྤྱིར་གོང་གསལ་དུས་ཡུན་ལྟར་ཡིན་ཡང་བཀའ་བརྒྱུད་སྨོན་ལམ་གྱི་དུས་ཡུན་ནི་མགོ་ཟླ་ དང་། རྒྱལ་ཟླ། མཆུ་ཟླ་སོགས་སྣ་ཚོགས་འཁེལ་སྲིད། བོད་ཀྱི་དགོན་སྡེ་འགའི་ནང་རས་ཆུར་སྦངས་ཤིང་རློན་པ་བཟོས་ཏེ་ཕེབས་སྲོལ་ཡོད།  སྒྲུབ་བླ་རྣམས་རས་ཆོད་དུ་ཕེབས་སྐབས་སྒོམ་ཞྭ་ཞྭ་ཁྲ་དང་། རས་གཟན། ཨང་འགའ་རག་དང། སྒོམ་ཐག་རྣམས་མནབས་ཏེ་རས་ཆོད་བཤར་ དགོས། དེ་ལྟར་མཛད་དགོས་དོན་ནི་ནཱ་རོ་ཆོས་དྲུག་གི་ཉམས་ལེན་དང་རྒྱུན་དུ་ཞལ་མི་འབྲལ་བའི་སླད་དང་། རང་རེ་སྒྲུབ་བརྒྱུད་པའི་རྗེས་ འཇུག་ཡིན་སྟབས་དེ་ཉིད་ཀྱི་ཉམས་ལེན་རྒྱུན་མ་ཆད་པར་སྐྱོང་བའི་མཚོན་བྱེད་ཀྱི་སླད་དུ་འདི་ལོ་བཀའ་བརྒྱུད་སྨོན་ལམ་སྐབས་སོ་དྲུག་ པར་ཡང་རས་འབུད་ལ་སྔ་ལོ་ལྟར་བཞུད། 

དེའི་རྒྱབ་ལྗོངས་ནི་རྗེ་བདུན་པ་ཆོས་གྲགས་རྒྱ་མཚོས་དཔལ་ལྡན་ཀརྨ་པའི་གྲྭ་རྒྱུན་དུ་གཏོགས་པ་མི་ཉག་རབ་སྒང་པ་རྣམས་ལ་སྨོན་ལམ་ཆོས་ འཁོར་སྦྲེལ་མར་བྱ་ཚུལ་གྱི་བཅའ་ཡིག་སྩལ་བའི་ནང་། རས་འབུད་བྱས་ན། ནཱ་རོ་དང་ནི་གུ་ཁྱད་མེད་ཀྱང་། ནཱ་རོའི་ཁྱད་ཆོས་ཡིན་པས། ནཱ་རོའི་ ཆོས་དྲུག་གི་སྟེང་དུ་བཤར་རོ། ཞེས་གསལ་བ་ནི། སྔོན་བྱོན་གོང་མའི་རྣམ་ཐར། རྗེས་འཇུག་གདུལ་བྱའི་ཉམས་ལེན་བྱ་བ་ཡིན་ཕྱིར། རང་རེས་ ཀྱང་བཀའ་བརྒྱུད་སྨོན་ལམ་ཐེངས་སོ་བཞི་པ་ནས་དབུ་འཛུགས་ཀྱིས་ལོ་བསྟར་ཆགས་སུ་རྒྱུན་སྐྱོང་བ་ལྟར་འདི་ལོ་རས་ཆོད་ཐེངས་གསུམ་པ་ཡིན། ལོ་གསུམ་ཆོས་གསུམ་གྱི་སྒྲུབ་པ་མཐར་སོན་པ། ནཱ་རོའི་ཆོས་དྲུག་གི་སྒྲུབ་པ་སྔོན་སོང་། སྐྱ་སེར་གཉིས་ལས་སེར་མོ་བ། རབ་བྱུང་ཕོ་མོ་གཉིས་ ལས་ཕོ། ལོ་གྲངས་དྲུག་ཅུ་མ་ཟིན་པ་ཐམས་ཅད་དང་། དགོན་སྡེ་སོ་སོའི་སྒྲུབ་དཔོན་བླ་མ་བཅས་ལྷན་དུ་ཞུགས་དགོས་པ་ཡིན། དེར་བརྟེན་གཏེར་ སྒར་འདུ་ཁང་ཚོམས་ཆེན་ནང་འདི་ལོར་ཕྱི་ལོ་ ༢༠༡༩ ཟླ་བ་ ༡ ཚེས་ ༡༣ ནས་ཚེས་ ༡༩ བར་ཉིན་བདུན་རིང་སྲོད་ཀྱི་དུས་ཚོད་བརྒྱད་པ་ནས་ བཅུ་གཅིག་བར་ནཱ་རོའི་ཆོས་དྲུག་གི་འཁྲུལ་འཁོར་བསྐྱར་སྦྱོང་གྲུབ་སྟེ། སྨོན་ལམ་ཉིན་བདུན་པའི་ཐོ་རངས་དུས་ཚོད་ལྔ་པ་ཙམ་སྟེ་རས་འབུད་མ་ བཤར་གོང་བླ་མཆོད་སྒྲུབ་པའི་མཆོད་པ་འབུལ་སྐབས་རྟེན་འབྲེལ་སྙིང་པོའི་མགུར་གླུ་གསུངས་མཇུག་སྒྲུབ་བླ་རྣམས་རིམ་གྱིས་གཤེགས། །

༡༽ གཏེར་སྒར་དགོན་གྱི་སྒོ་མཆོར་གྱི་ཕྱི་ཕྱོགས་སུ་ཟངས་ཀྱི་ཁྲོ་ཆེན་ཆུས་བཀང་བ་ཞིག་གི་ནང་མེ་ཏོག་གི་འདབ་མས་རབ་ཏུ་གཏམས་ཏེ་འཇོག་ པར་བྱེད།

 

༢༽ སྒྲུབ་བླ་རྣམས་གཏེར་སྒར་འདུ་ཁང་ནང་ནས་ཕེབས་ཐོན་སྐབས་སྤོས་སྣེ་བ་གསུམ་གྱིས་དང་བ་ཆེན་པོས་གདན་འདྲེན་པར་བྱེད།

 

༣༽ སྒྲུབ་བླ་རྣམས་ན་བཟའ་དཀར་པོ་མནབས་པ་དང་། ཞབས་རྗེན་པར་བཞུད་ཅིང་སྒྲུབ་བརྒྱུད་ཀྱི་ཐུན་མིན་སྒོམ་ཞྭ་ཐོགས་པར་བྱེད།

 

༤༽ རབ་བྱུང་གི་ན་བཟའ་འབུད་ཅིང་རས་དཀར་དེ་ཉིད་ཐོག་མར་ཆུའི་ནང་ལེགས་པར་སྦངས་རྟིང་ལུས་ལ་མནབ་པར་བྱེད།

 

༥༽ རས་དཀར་དེ་ཉིད་ཆུའི་ནང་ལེགས་པར་སྦང་བཞིན་པ།

 

༦༽ རས་དཀར་ནང་དུ་སྒྲུབ་བླ་རྣམས་ནས་ཆུ་རས་ཀྱི་སྟེང་དུ་རྣལ་འབྱོར་པའི་དོར་མ་ཨང་འགའ་རག་གསོལ་བར་བྱེད།

 

༧༽ སེར་སྦྲེང་དེ་བཞིན་ཐོག་མར་གཏེར་སྒར་དགོན་ལ་ཞབས་སྐོར་བསྐྱོན་ཏེ། དེ་མཇུག་རུམ་བཏེག་དགོན་གྱི་སྒྲུབ་དཔོན་བླ་མ་མཆོག་དང་བཤད་ གྲྭའི་སྤྱི་ཁྱབ་མཁན་པོ་སྐལ་བཟང་ཉི་མ་རྣམ་གཉིས་ནས་དབུ་འཁྲིད་པར་མཛད་བཞིན་པ།

 

༨༽ ཞབས་རྗེན་པར་ཞབས་ཐང་དུ་བྱོན་སྐབས་ལག་གཉིས་དཔྱི་མགོར་གཟེར་ཞིང་དཔུང་གིས་ལུས་བསྲངས་ཤིང་འདྲོང་བར་བྱེད།

 

༩༽ གཏེར་སྒར་རྒྱལ་སྒོ་བརྒྱུད་དེ་ལམ་གཞུང་དུ་བཞུད་བཞིན་པ།

 

༡༠༽ རབ་བྱུང་དང་ཤར་ནུབ་ཀྱི་ཁྱིམ་པ་ཕོ་མོ་རྣམས་ནས་ལག་ཏུ་ཁ་བཏགས་དཀར་སེར་སྣ་ཚོགས་ཐོགས་ཤིང་སྒྲུབ་བླ་བ་རྣམས་ལ་གུས་བཀུར་ མཚོན་ཕྱིར་ཕེབས་ལམ་གྱི་གཡས་གཡོན་གཉིས་སུ་ཕེབས་སྒུག་ཞུ་བཞིན་པ།

 

༡༡༽ སྒྲུབ་བླ་རྣམས་ཀྱི་སེར་སྦྲེང་དེ་བཞིན་བཀའ་བརྒྱུད་སྨོན་ལམ་གྱི་བྱོན་ལེགས་རྒྱལ་སྒོའི་ཤོད་ནས་ཕེབས་ཤིང་དད་ལྡན་པ་རྣམས་ཀྱི་བསྟར་ སྒྲིག་བརྒྱུད་དལ་གྱིས་བཞུད་བཞིན་པ།

 

༡༢༽ སྒྲུབ་བླ་རྣམ་པ་རེ་རེ་བཞིན་ལམ་ཟུར་དུ་སྒྲེང་བའི་དད་ལྡན་པ་རྣམས་ཀྱི་མདུན་ཕྱོགས་སུ་ཞལ་ཡང་ཡང་ཕྱོགས་ཤིང་མང་ཚོགས་ལ་སྒྲུབ་ པ་བགྱིས་པའི་གྲུབ་འབྲས་ཀྱི་རྔམ་སྟོན་ལེགས་པར་ངོམ་བཞིན་པ།

 

༡༣༽ རས་འབུད་པ་རྣམས་བཀའ་བརྒྱུད་སྨོན་ལམ་ཆོས་རར་མ་ཕེབས་བར་བྱོན་ལམ་དུ་མི་ཚོགས་དུ་མས་དད་གུས་ཀྱིས་ཕེབས་སྒུག་ཞུ་ བཞིན་པ།

 

༡༤༽ སྨོན་ལམ་ཆོས་རའི་དབུས་སུ་བཏིང་བའི་སྟན་དམར་སྟེང་རས་འབུད་པ་རྣམས་གྲལ་བསྟར་དུ་བཞུད་བཞིན་པ།

 

༡༥༽ ༸སྐྱབས་རྗེ་རྒྱལ་ཚབ་རིན་པོ་ཆེ་མཆོག་གི་སྐུ་གཡོན་ཕྱོགས་སུ་སྨོན་ལམ་ཆོས་རའི་དོ་རའི་སྟེང་རས་འབུད་པ་རྣམས་ཀྱི་བཞུགས་སྟན་གོ་ སྒྲིག་བགྱིད་ཡུལ་དུ་བཞེངས་སྟབས་སུ་གནས་པ།

 

༡༦༽ སྨོན་ལམ་ཉི་ཤུ་པའི་ཞལ་འདོན་དབུ་ཚུགས་སྐབས་རང་གནས་སུ་བཞུགས་པ།

 

༡༧༽ སྒྲུབ་བླ་བ་རྣམ་པ་རང་རང་གི་གྲུབ་འབྲས་ལ་ངོས་འཛིན་གྱི་དགའ་སྟོན་མཛད་པ།