སྤྱིར་བཀའ་བརྒྱུད་སྨོན་ལམ་ཆེན་མོའི་སྐབས་སུ་གནས་མཆོག་རྡོར་གདན་བྱང་ཆུབ་མཆོད་རྟེན་ནང་གི་རྟེན་གྱི་གཙོ་བོ་སྟོན་མཆོག་ཐུབ་པའི་སྐུ་བརྙན་མཐོང་གྲོལ་ཆེན་མོ་ལ་ན་བཟའ་གསོལ་བའི་ཕྱག་སྲོལ་ཡོད་ལ། ལྷག་པར་༧རྒྱལ་དབང་ཀརྨ་པ་ཨོ་རྒྱན་ཕྲིན་ལས་རྡོ་རྗེ་མཆོག་གིས་བཀའ་བརྒྱུད་སྨོན་ལམ་ཆེན་མོའི་མཛད་སྒོ་ཡོངས་རྫོགས་ཐུགས་འགན་བཞེས་ཏེ་དབུ་ཁྲིད་གནང་ནས་བཟུང་། ཉིན་ལྟར་ཐོ་རེངས་ལ་སྨོན་ལམ་དབུ་འཛུགས་པ་དང་ཐུབ་པའི་སྐུ་བརྙན་ལ་ན་བཟའ་གསོལ་བ་དང་། ཚོགས། མཆོད་འབུལ་གནང་བའི་ཕྱག་སྲོལ་ཡོད་པ་ལྟར། དེ་རིང་ཡང་༧བྱམས་མགོན་རྡོ་རྗེ་འཆང་ཀྭན་ཏིང་ཏཱ་ཡི་སི་ཏུ་རིན་པོ་ཆེ་མཆོག་སྐུ་འཁོར་དང་བཅས་པ་སྔ་དྲོ་མཆོད་རྟེན་དུ་ཕེབས་གནང་སྟེ་ལྷུང་བཟེད་གསོལ་བ་དང་། ན་བཟའ་བསྒྲོན་འབུལ། གསོལ་འདེབས་སྨོན་ལམ་གསུང་བའི་སྐབས་ཀྱི་སྣང་བརྙན།
སྤྱི་ལོ༢༠༢༤/༡/༡༩ ཉིན་ལ་གནས་ཚུལ་ཕྱོགས་བསྡུས་པ་ཉི་མ་དོན་འགྲུབ་ནས་ཕུལ།
སྤྱི་ལོ༢༠༢༤/༡/༡༩ ཉིན་ལ་གནས་ཚུལ་ཕྱོགས་བསྡུས་པ་ཉི་མ་དོན་འགྲུབ་ནས་ཕུལ།
